কথা কোৱা সোণপৰুৱা

মেটেকাৰঙী সন্ধ্যাঃ


মেটেকাৰঙী সন্ধিয়া
হাস্নাহানা কুঁৱলিবোৰ সৰি সৰি
নিয়ৰ হয় জিকাফুলৰ হেন্দালিত
শীতল ওৰণিৰে মুখ ঢকা টুপালবোৰ
অলংকাৰিত সাজ এৰি পানী হয় আৰু
ঢৌ তুলে স্ৰজনৰ গাণিতিক সমুদ্ৰত ৷৷


নিষিদ্ধ ঈশ্বৰঃ
(বৰপেটা নামঘৰত নাৰী প্ৰৱেশ নিষিদ্ধ বিষয়ত)

বাদ দিয়া বুজিছানে
তোমালোকে নতুন শিকা
কেৱল তালৈকে নহয়
সকলো মন্দিৰৰ দোৱাৰ
তোমালোকৰ বাবে বন্ধ কৰা হওক
ইয়াতকৈ আৰু সুখবৰ একো নাথাকে ৷

ভগবানক বিচাৰি নুফুৰিবা
বিচাৰি বিচাৰি হুলস্থূল নকৰিবা
আচল কথা তোমালোকে জানা
ক'ত আছে নিৰাকাৰ
তেওঁৰ সঠিক ঠিকনা ৷

নাৰীৰে এখন দেশ সাজা
লিট্ল্ বয় অথবা ফেট্ মেন দলিয়াই
নষ্ট কৰা ভগৱানৰেই ৰাজ্য
আৰু প্ৰসাৰিত দুহাতে বেলিটো চিঙি আনা ৷🌻